ნიორი არის მრავალწლიანი მცენარე. რომელიც მიეკუთვნება ხახვისებრთა ოჯახს. ნივრის თავი შედგება 1 – 30 კბილისგან. ყვავილობს ივლისსა და აგვისტოში. მცენარის სიმაღლე აღწევს 30 – 60 სმ. ყვავილების ფერი არის მომწვანო თეთრი ფერის. ყვავილის ფორმა წააგავს ქოლგას, რადგან ბევრი წვრილი ყვავილი ჯგუფებად არის გაერთიანებული. თავად ნივრის თავი არის თეთრი ან მოვარდისფრო.
მის სამშობლოდ ითვლება მცირე აზია. ის საკმაოდ გავრცელებული და პოპოლარული ბოსტნეულია. მრავალ კულტურაში მას იყენებენ კულინარიაში, მისი მწარე გემოსა და სპეციფიკური სუნის გამო. ნივრის ღერო სანამ ნორჩია გამოიყენება საკვებად. როგორც ხახვის ღერო.
ადამიანი ნიორს თავის რაციონში იყენებს უკვე 4000 წელზე მეტია. მისი დადებითი და სამკურნალო თვისებების შესახებ ბევრ ადრეულ ხელნაწერებში ვკითხულობთ. პითაგორა ნიორს მწვანილების მეფეს უწოდებდა. ხოლო საბერძნეთსა და რომში ნიორი ითვლებოდა ძირითად სამკურნალო მცენარედ.
100 გრამი ნიორი შეიცავს 149 კილოკალორიას
С, B, D, P
ნატრიუმი, კალიუმი, კალციუმი, რკინა, ფოსფორი, მაგნიუმი, ცინკი და ა. შ.
უნდა აღინიშნოს, რომ ნიორი შეიცავს გოგირდს, ეს კი განსაკუთრებით მნიშვნელოვანია, რადგან გოგირდის შემცველ ნივთიერებებს, ანუ სულფიდებს, აქვთ გასაკვირი თვისებები. მეცნიერების მტკიცებით ნიორი შეიცავს 100 – ზე მეტ გოგირდის კომპონენტებს.
გოგირდის შემცველობის წყალობით ის ებრძვის სტაფილოკოკებს, დეზინტერიისა და ტიფის გამომწვევ ბაქტერიებს. ასევე ებრძვის პათოგენურ სოკოებს. ნივრის სულფიდები, შხამის თავისუფალ მოლეკულებს აწებებენ, ანუ უმოქმედო მდგომარეობაში აქცევენ, სანამ ისინი დაიწყებენ მოქმედებას. ნიორი იმდენად ძლიერია, რომ შხამის მოლეკულები უმოქმედო მდგომარეობაში იმდენხანს იმყოფებიან სანამ ორგანიზმი გარეთ არ გამოდევნის მათ.
მისი კიდევ ერთი ძლიერად გამოხატული თვისება არის ანთებების საწინააღმდეგო მოქმედება. ასევე არსებობს გამოკვლევები რომლებიც ამტკიცებენ, რომ ის ეფექტური საშუალებაა სიმსივნის წინააღმდეგ საბრძოლველად.
ამერიკის სიმსივნის ნაციონალური ინსტიტუტის მეცნიერებმა კვლევებით დაადგინეს, რომ ნიორი და ხახვი არამხოლოდ გაცივების დროს არის უებარი საშუალება, არამედ კიბოს პროფილაქტიკისა და მისი განვითარების შეფერხების უებარი საშუალებაა. მაგალითად კვლევებმა აჩვენა, რომ მამაკაცებში ხელს უშლის პროსტატის კიბოს წარმოქმნას და განვითარებას. 2 წლიან კვლევებზე დაყრდნობით აღმოჩნდა, რომ 238 პაციენტს რომლებიც პროსტატის სიმსივნით იყვნენ დაავადებულნი, ნივრის ყოველდღიური მიღებით მათ 50% შეუჩერდათ სიმსივნის ზრდა.
მაგრამ უნდა ითქვას, რომ ნივრის მთავარი ფუნქცია არის სისხლისა და სისხლძარღვების გასუფთავება. სისხლძარღვებისთვის ელასტიურობის დაბრუნება. რაც ეხმარება წნევის რეგულაციაში. მისი მიღება აახალგაზრდავებს გულს და მთლიანობაში ორგანიზმს. ჰიპერტონიით დაავადებული ადამიანებისთვის არის უებარი საშუალება, რადგან ნიორი ებრძვის და კურნავს მის გამომწვევ მიზეზს.
მკურნალობის მიზნით - 1 დან 4 კაფსულამდე დღეში - სასურველია ჭამის დროს.
პროფილაქტიკის მიზნით - 1 კაფსულა 2 - ჯერ დღეში სასურველია ჭამის დროს.
თუ ხართ ორსულად ან გაქვთ ლაქტაციის პერიოდი, კონსულტაცია გაიარეთ ექიმთან.
ასევე თუ იღებთ რაიმე მედიკამენტებს ამ შემთხვევაში გაიარეთ კონსულტაცია ექიმთან.
მხოლოდ იმ შემთხვევაში შეიძლება აღინიშნოს უკუჩვენება თუ მიიღებთ გადაჭარბებულ დოზას.
კუჭის ან თორმეტგოჯა ნაწლავის წყლულის დროს არ მიიღოთ.
გართულებული კოლიტის დროს არ მიიღოთ.
