სამუშაო საათები 10:00 - 19:00
თბილისი - უფასო მიწოდება
• მთავარი • პროდუქცია ანბანის მიხედვით • ფასდაკლება • შეკვეთა საიტიდან • ქალაქები სადაც ვაწვდით • რეკვიზიტები / კონტაქტი
 

უნაყოფობა ქალებში

გაეცანით ინფორმაციას თუ რა იწვევს ქალის უნაყოფობას, ნახეთ მისი სიმპტომები და რა უნდა გააკეთოთ მისი პროფილაქტიკის მიზნით. ასევე აქ არის განთავსებული მცენარეული პროდუქცია და ხალხური მედიცინის რეცეპტები რომლებიც დაგეხმარებათ ამ პრობლემის მოგვარებაში. რაც მთავარია "უშვილობა განაჩენი არ არის"

უშვილობა ქალებში

ქალის უნაყოფობას უწოდებენ ორგანიზმის პათოლოგიურ მდგომარეობას, როდესაც ერთი წლის განმავლობაში, რეგულარული დაუცველი სქესობრივი ცხოვრების მიუხედავად არ ხდება მისი დაორსულება.

უნაყოფობა არის აბსოლუტური (როდესაც დაორსულება შეუძლებელია რეპროდუქციულ ორგანოებში შეუქცევადი პათოლოგიური პროცესების გამო) და შედარებითი (შესაძლებელია განკურნება). წარმოშობის მიხედვით გამოყოფენ პირველად (ქალი არასოდეს ყოფილა ორსულად) და მეორად (ერთხელ მაინც ყოფილა ორსულად) უნაყოფობას.

უნაყოფობის კლასიფიკაცია

ქალთა უნაყოფობას განასხვავებენ წარმოშობის მიხედვით:

პათოლოგიის ლოკალიზების მიხედვით, გამოყოფენ შემდეგი სახის უნაყოფობას:

არხული – გამოწვეულია საშვილოსნოს ყელის არხის არ არსებობის ან გაუვალობით;

ორგანული – დაკავშირებულია საშვილოსნოს სხვადასხვა პათოლოგიასთან;

ენდოკრინული – დაკავშირებულია ენდოკრინული ორგანოების მუშაობის დარღვევასთან;

პერიტონეალური – გამოწვეულია მცირე მენჯის არეში არსებული ორგანოების შეხორცებით;

იმუნური;

ქალის რეპროდუქციული ორგანოების ანომალიებით გამოწვეული (საშვილოსნოს ჰიპოპლაზია, ორკუთხა საშვილოსნო და სხვა);

იდიოპათიური უნაყოფობა – მისი წარმოქმნის მიზეზები უცნობია.

უნაყოფობის გამომწვევი მიზეზები

ქალთა უნაყოფობის გამომწვევი მიზეზები საკმაოდ ბევრია. კლასიფიკაციის მოხერხებულობისთვის ისინი დაყოფილია მსხვილ ჯგუფებად:

ჰორმონალური მიზეზები:

პროლაქტინის მომატებული გამომუშავება - ეს ხალს უშლის ჰიპოფიზს გამოყოს კვერცხუჯრედის გასანაყიფიერებლად საკმარისი რაოდენობის საჭირო ნივთიერებები;

ინსულინრეზისტენტობა;

საკვერცხის პოლიკისტოზი;

კაცური ჰორმონის მომატებული სინთეზი, რის გამოც ირღვევა ციკლი და არ დგება ოვულაცია, შედეგად კი შეუძლებელია განაყოფიერება.

ვენერიული დაავადებები:

ჰონორეა;

ქლამიდიოზი – იწვევს ქალის რეპროდუქციული ორგანოებში შეხორცებებს, რაც შეუძლებელს ხდის დაორსულებას.

ფიზიოლოგიური პრობლემები:

საშვილოსნოს ყელის არხის გაუვალობა ან ნაწილობრივი გაუვალობა – ეს არის ქალთა უნაყოფობის ყველაზე გავრცელებული მიზეზი. ასეთ დროს სპერმა ვერ აღწევს კვერცხუჯრედამდე და იღუპება გზაში, რის გამოც ვერ ანაყოფიერებს მას;

საშვილოსნოს მიომა – იწვევს ჩასახვის პრობლემებს, იმ შემთხვევაშიც კი თუ მოხდა განაყოფიერება, შეიძლება მოხდეს ორსულობის შეწყვეტა;

ნაწიბურები საშვილოსნოს ყელზე, რომლებიც შეიძლება გაჩნდეს საშვილოსნოზე გადატანილი ქირურგიული ოპერაციის შემდეგ;

ენდომეტრიოზი – საშვილოსნოს ლორწოვანი გარსის პათოლოგიური ზრდა, რომელიც იწვევს საშვილოსნოს ყელის არხების შეხორცებას.

სხვა მიზეზები:

გენეტიკური მიზეზები;

ქალის უუნარობა შეინარჩუნოს ნაყოფი – ასეთ დროს ქალი ორსულდება, თუმცა ვერ ინარჩუნებს ნაყოფს.

არსებობს რიგი ფაქტორები, რომლებმაც შეიძლება გამოიწვიოს უნაყოფობა. მათ შორის:

  1. ასაკი – იმ ქალების შემთხვევში, რომლებმაც არ გააჩინეს პირველი შვილი 35 წლამდე, დაორსულების შანსები მცირდება. გარდა ამისა, დიდია რისკი ნაყოფს განუვითარდეს ქრომოსომული მუტაციები;
  2. ძლიერი სტრესი, ნერვული შოკი – შეიძლება გამოიწვიოს ჰორმონალური დარღვევა და უნაყოფობა;
  3. სიმსუქნე და ან პირიქით საკმარისი წონის არ არსებობა;
  4. მავნე ჩვევები (სიგარეტის მოწევა და ალკოჰოლის ბოროტად გამოყენება).

უნაყოფობის სიმპტომები

უნაყოფობის ძირითადი სიმპტომია, როცა ქალი მიუხედავად რეპროდუქციული ასაკისა და დაუცველი აქტიური სქესობრივი ცხოვრებისა ვერ ორსულდება ერთი ან მეტი წლის განმავლობაში.

სხვა სიმპტომები თითქმის არ არსებობს. ქალები აბსოლუტურად ჯანმრთელად გრძნობენ თავს და არაფერს უჩივიან.

ერთ-ერთი შესაძლო სიმპტომია მენსტრუალური ციკლის დარღვევა (მენსტრუაცია ხანმოკლეა ან პირიქით ხანგრძლივი, ძლიერი ან თითქმის შეუმჩნეველი და ასე შემდეგ). გარდა ამისა ნებისმიერი ქალი უნდა შეფიქრიანდეს სასქესო ორგანოდან რეგულარული გამონადენის არსებობის შემთხვევაში.

გინეკოლოგმა შემოწმების დროს შეიძლება გამოავლინოს შემდეგი ნიშნები, რომლებმაც შეიძლება გამოიწვიოს უნაყოფობა:

  1. წონის ნაკლებობა ან სიმსუქნე;
  2. მცირე მენჯის არეში ტკივილის გამომწვევი სიმკვრივის არსებობა;
  3. ენდოკრინული დაავადებები;
  4. გინეკოლოგიური დაავადებები;
  5. სარძევე ჯირკვლების განუვითარებლობა.

უნაყოფობის დიაგნოსტიკა

უნაყოფობის დასადგენად შემდეგ მეთოდებს მიმართავენ:

ანამნეზის შეგროვება, პაციენტის გამოკითხვა და ვიზუალური დათვალიერება.

ფიზიკური გამოკვლევა.

აპარატურული და ლაბორატორიული კვლევები.

სქესობრივი გზით გადამდები დაავადებების სკრინინგი.

ფარისებრი ჯირკვლის და მცირე მენჯის ექოსკოპია – დგინდება ჰორმონალური უნაყოფობა.

ჰორმონალური სკრინინგი – რათა გამოვლინდეს ენდოკრინული უნაყოფობა.

მცირე მენჯის სპირალური კომპიუტერული ტომოგრაფია – ვლინდება უნაყოფობის ანატომიური მიზეზები.

მაგნიტურ-რეზონანსული ტომოგრაფია.

ჰისტეროსალპინგოგრაფია – რენტგენოგრაფია სპეციალური ქაფის გამოყენებით, რომლის დახმარებითაც დგინდება საშვილოსნოს ყელის არხის შეხორცება.

ჰისტეროსკოპია - ამ კვლევის დროს ხდება საშვილოსნოს დათვალიერება წყლულების, შეხორცებების, წარმონაქმნების არსებობაზე, რომლებმაც შეიძლება გამოიწვიოს უნაყოფობა.

ლაპაროსკოპია – ვლინდება საკვერცხეების კისტა, ტუბო-პერიტონეალური უნაყოფობა, საშვილოსნოს კიბო და მცირე მენჯის არეში შეხორცებები.

უნაყოფობის მკურნალობა

მკურნალობის პროცესი დამოკიდებულია სხვადასხვა გარემოებაზე. ყველაზე ხშირად თერაპია მოიცავს შემდეგ ეტაპებს:

სქესობრივი აქტი ყველაზე იდეალური პერიოდში.

ჰორმონალური თერაპია. ტარდება ჰორმონალური ფონის რეგულირებისთვის, საკვერცხეების ფუნქციის აღდგენისა და კვერცხუჯრედების გამომუშავების აქტვაციისთვის.

ინტრაუტერიული განაყოფიერება. პროცედურის დროს ხელოვნურად თავსდება სპერმა საშვილოსნოში განაყოფიერებისთვის ყველაზე ხელსაყრელ მომენტში. როგორც, წესი ამ პროცედურის წინ ხდება საკვერცხეების ჰორმონალური სტიმულაცია, რაც ზრდის ორსულობის შანსებს.

ინვიტრო განაყოფირება. ამ მეთოდის დროს კვერცხუჯრედის განაყოფიერება ხდება მომავალი დედი საშვილოსნოს გარეთ. განაყოფიერების შემდეგ, ექიმები არჩევენ ყველაზე სიცოცხლის უნარიან ემბრიონს და ათავსებენ საშვილოსნოში. ამის შემდეგ ორსულობის პროცესი მიმდინარეობს, ისე როგორც ბუნებრივი განაყოფიერების დროს.

დონორი კვერცხუჯრედების გამოყენება და სუროგაცია. ამ მეთოდებს მიმართავენ უკიდურეს შემთხვევაში, როცა ქალი აბსოლუტურად უნაყოფოა, გენეტალიური დაავადებების დროს, რომელიც შეიძლება ნაყოფს გადაედოს და როდესაც ქალს თავად არ აქვს კვერცხუჯრედები.

უნაყოფობის სამკურნალო ხალხური საშუალებები

რადგანაც უნაყოფობა მრავალი მიზეზით შეიძლება იყოს გამოწვეული, მის სამკურნალოდაც სხვადასხვა ხალხური საშუალებები გამოიყენება. ზოგი მცენარე კურნავს შეხორცებებს, სხვები კი ანთებებს, ენდოკრინულ და ჰორმონალურ დარღვევებს. არსებობს უამრავი რეცეპტი, თუმცა, მათი მიღება კომპლექსურად ჯობს ან მხოლოდ იმ შემთხვევაში თუ ცნობილია ზუსტი დიაგნოზი.

უნაყოფობის სამკურნალო მცენარეები

ძველად მკურნალები უნაყოფობას შემდეგი მცენარეების მკურნალობდნენ:

მრავალძარღვას თესლები, ფესვები და ფოთლები. მრავალძარღვა აწესრიგებს ქალების მდგომარეობას მტკივნეული მენსტრუაციისა და კლიმაქსის დროს და აქრობს ანთებით პროცესებს საშვილოსნოს ყელის არხებში. მრავალძარღვას თესლები მამაკაცებში აძლიერებს სპერმატოზოიდების აქტივობას.

ვარდი. მომავალი მშობლებისთვის ეს მცენარე მნიშვნელოვანი ვიტამინ E-ს წყაროა. ის ასტიმულირებს საკვერცხეების მუშაობას და აუმჯობესებს სპერმატოგენეზს.

იორდასალამის ფესვი. კურნავს ქალის უნაყოფობას, რომელიც გამოწვეულია საშვილოსნოს ყელის ეროზიით და კისტით;

მატიტელა. კურნავს საშვილოსნოსა და საკვერცხეების მრავალ დაავადებას.

კისტ ალ ჰინდი. სამკურნალო ფქვილი, რომელიც ინარჩუნებს ორგანიზმში რკინის და ჰორმონების ბალანსს. ააქტიურებს ჩასახვისთვის საჭირო ყველა პროცესს და აქრობს მცირე მენჯის არეში მიმდინარე ნებისმიერ ანთებას.

სალბი. შეიცავს ფიტოჰორმონებს - ესტროგენების ანალოგს, ასუფთავებს ვენებს, აახალგაზრდავებს ორგანიზმს და კურნავს ქალურ ფრიგიდულობას;

ვირისტერფა, გულყვითელა, გვირილა, ძიძო და ასისთავა. ამ ბალახებს ძლიერი ანთების საწინააღმდეგო მოქმედება აქვთ და იყენებენ საკვერცხეების ანთებით გამოწვეული უნაყოფობის დროს.

პანცერია. აჩერებს ანთებით პროცესებს, აწესრიგებს ჰორმონალურ ფონს და ამცირებს მენსტრუალურ ტკივილებს.

ჯადვარი. აუმჯობესებს სპერმის ხარისხს და კურნავს კაცურ უნაყოფობას;

კუროსთავი. აახლებს ესტროგენის, ტესტოსტერონის და პროგესტერონის სინთეზს.

ხეპილპილა. მისი ნაყენი წარმოადგენს ქალური ჰორმონების ანალოგს. სასურველია ანგელოზასთან ერთად მიღება. შეუცვლელია ქალური ენდოკრინული სისტემის მკურნალობისას და ჰორმონალური დისბალანსისას. ასტიმულირებს ოვულაციური ფუნქციას.

მომზადების წესი

ერთ სუფრის კოვზ მრავალძარღვას თესლს ესხმება ჭიქა წყალი და დუღდება დაბალ ცეცხლზე 5 წუთის განმავლობაში. გაციების შემდეგ ნახარში იწურება და მიღებული ნაყენი მიიღება დღეში 4-ჯერ 2 ს.კ. მრავალძარღვას ფოთლებისა და ფესვებისგან ამზადებენ ნაყენს და ხმარობენ აბაზანის მიღების დროს.

მატიტელას ნაყენი მზადდება 3 კოვზი ბალახისა და 500 მლ. ადუღებული წყლის დაყენებით, თერმოსში 4 საათის განმავლობაში. მიიღება ჭამამდე ნახევარი საათით ადრე ნახევარი ჭიქა.

სალბის მომზადება შეიძლება ჩაის სახით. 1 ჩ.კ. ბალახს დავასხათ ერთი ჭიქა ადუღებული წყალი. სურვილის მიხედვით შეგიძლიათ დაამატოთ შაქარი ან თაფლი. სამკურნალო ეფექტის გასაძლიერებლად შეიძლება ცაცხვის დამატება.

კისტ ალ ჰინდის შემთხვევაში, იღებენ 1 ჩ.კ. ნედლეულს და ხსნიან ერთი ჭიქა თბილ წყალში. მისი მიღება შეიძლება დღეში 5-ჯერ ერთი თვის განმავლობაში. შემდეგ, კეთდება მოკლე (10 დღიანი) შესვენება და მეორდება პროცესი. კისტ ალ ჰინდი იზილება კარაქში და ხდება მისი შეზელა გულმკერდისა და საშვილოსნოს არეში.

მუმიო იხსნება სტაფილოს, ქაცვის ან მოცვის წვენში, ან ერევა კვერცხის გულს. მიღებული მასა უნდა დაილიოს. მკურნალობის შედეგი პირველივე კვირას გამოჩნდება. მკურნალობის ხანგრძლივობა - 4 კვირა.

ძალიან ეფექტურია ბალახეული ნაკრებები. მაგალითად: გვირილის, გულყვითელას, ძიძოს და ვირისტერფას შემადგენლობით. ნაყენის მოსამზადებლად საჭიროა 2 ს.კ. ნაკრები და 500 მლ. ადუღებული წყალი. ნაყენი უნდა დაილიოს ჭიქის მესამედი მთელი დღის განმავლობაში საჭმლის მიღებებს შორის. მკურნალობის კურსი 2 თვე ან დაორსულებამდე.

უნაყოფობის პროფილაქტიკა

პროფილაქტიკის ძირითადი ზომებია:

  1. არავითარი აბორტი
  2. დაცული სქესობრივი ცხოვრება მუდმივ პარტნიორთან.
  3. ჰორმონალური ჩასახვის საწინააღმდეგო პრეპარატების უკონტროლო მიღებისგან თავის შეკავება.
  4. იმ დაავადებების დროული მკურნალობა რომლებმაც შეიძლება გამოიწვიოს უნაყოფობა.
  5. რეგულარული შემოწმება ორგანიზმში ანთებითი პროცესების მიმდინარეობაზე.
  6. ორგანიზმის დაცვა გადაციებისგან.
  7. ორგანიზმის გაკაჟება და იმუნიტეტის გაძლიერება.
  8. შრომისა და დასვენების რეჟიმის ნორმალიზება.
  9. სტრესის თავიდან აცილება.
  10. ინტიმური ჰიგიენის დაცვა.
  11. ცხოვრების უმოძრაო წესზე უარის თქმა.
  12. მავნე ჩვევებზე უარის თქმა.
  13. წონის კონტროლი.
  14. რეგულარული (წელიწადში 2-ჯერ) ვიზიტი გინეკოლოგთან. რეგულარული შემოწმებისას შეიძლება, ადრევე იქნას აღმოჩენილი უნაყოფობის ნიშნები და ადვილად მოხდეს მისი მკურნალობა.
 
სამუშაო საათები
ორშაბათი -კვირა 10:00 - 19:00
Mail: Mwvanemcenareebi@gmail.com TEL: +995597760989 TEL: +995597989878 TEL: +995595832828 TEL: +995599382038
დაგვიკავშირდით
დაგვირეკეთ სამუშაო საათებში და ჩვენი ოპერატორები დიდი სიამოვნებით უპასუხებენ თქვენთვის საინტერესო კითხვებს.

© საიტზე განთავსებული ინფორმაცია კერძო საკუთრებაა და დაკოპირების შემთხვევაში დაგეკისრებათ პასუხისმგებლობა.