სამუშაო საათები 10:00 - 19:00
თბილისი - უფასო მიწოდება
• მთავარი • პროდუქცია ანბანის მიხედვით • ფასდაკლება • შეკვეთა საიტიდან • ქალაქები სადაც ვაწვდით • რეკვიზიტები / კონტაქტი
 

ოსტეოქონდროზი

ოსტეოქონდროზს უწოდებენ ხერხემლის დაავადებას, რომლის დროსაც შეიმჩნევა დეგენერატული ცვლილებები ხერხემლის მალებსა და მალებს შორის არსებულ დისკებზე. იმის მიხედვით თუ სად არის ლოკალიზებული დაავადება, ოსტეოქონდროზი შეიძლება იყოს კისრის, გულ-მკერდის, წელის და მენჯის არეში გავაზე.

ოსტეოქონდროზის კლასიფიკაცია

არსებობს დაავადების რამდენიმე სახეობა. ლოკალიზაციის მიხედვით გამოყოფენ ოსტეოქონდროზის შემდეგ სახეობებს:

  • კისრის.
  • გულ-მკერდის.
  • წელის.

ოსტეოქონდროზის განვითარების მიზეზები

ოსტეოქონდროზის წარმოქმნის ზუსტი მიზეზები უცნობია, თუმცა არის რიგიფაქტორები, რომლებიც უწყობენ ხელს მის განვითარებას.

კერძოდ:

  • ხერხემლის ტრავმები.
  • ხერხემლის დგომის დარღვევები.
  • მემკვიდრეობითი ფაქტორი - ახლო ნათესავებში ოსტეოქონდროზის არსებობა ზრდის ოსტეოქონდროზის განვითარების რისკს.
  • ბრტყელტერფიანობა.
  • მეტაბოლიზმის დარღვევა.
  • გამუდმებული დატვირთვა ხერხემალზე.
  • მძიმე ფიზიკური სამუშაო.
  • ჭარბი წონა.
  • ორგანიზმის დაბერების ბუნებრივი პროცესი.
  • ქრონიკული ინფექციური დაავადებები.
  • მუდმივი სტრესი.
  • არასწორი კვება, სწრაფი კვების გადამეტებული მოხმარება, მარილიანი, მწარე და ცხიმიანი საკვების მიღება.
  • არაკომფორტული ფეხსაცმლის ტარება.
  • ჰიპოდინამია.
  • ორგანიზმის ხშირი გაციება;
  • კომპიუტერთან გამუდმებული ჯდომა და სხვა მსგავსი სახის სამუშაო.
  • საზიანო ჩვევები (თამბაქოს და ალკოჰოლის ბოროტად გამოყენება).

ოსტეოქონდროზის სიმპტომები

დაავადების ძირითად კლინიკურ გამოვლინებად ითვლება.

ძლიერი ტკივილი ხერხემლის არეში, რომლის გაყუჩებაც დროდადრო მხოლოდ მედიკამენტებით არის შესაძლებელი.

  • კუნთების სპაზმები.
  • კიდურების დაბუჟება.
  • კიდურებში ტეხვის შეგრძნება; თავის ტკივილი, რომლებიც იწყება თავის თხემიდან და ვრცელდება შუბლის მიმართულებით.
  • ხერხემლის არტერიის სინდრომი.
  • ტკივილები კისრის არეში, რომლებიც ძლიერდება მოძრაობის დროს.
  • თავბრუსხვევა, ზოგჯერ გონების დაკარგვაც.
  • ფერადი ლაქები და სილურჯე თვალის არეში.
  • ტკივილები გულ-მკერდის არეში.
  • სიცივე ქვედა კიდურებში.
  • ჭვალი ზურგის არეში.
  • ნეკნებსშორისი ნევრალგია.
  • მარილების დაგროვება.
  • კანის სიმშრალე და აქერცვლა.
  • არტერიული სპაზმები.
  • ჭარბოფლიანობა.
  • ფეხის კანის ტემპერატურის კლება.

ყველაზე ხშირად ოსტეოქონდროზით ავადდება, ხერხემლის კისრის და წელის ნაწილი, რადგან ყველაზე დაზიანებული სწორედ ეს ნაწილებია. ტკივილი წარმოიქმნება დაცემინებისას, დახველებისას ან მკერდის კუნთების დაჭიმვისას. თუ ეს სიმპტომები შეიმჩნევა ორ კვირაზე მეტ ხანს აუცილებლად ეჩვენეთ ექიმს და გაიარეთ შესაბამისი შემოწმება.

ოსტეოქონდროზის დიაგნოსტირება

ოსტეოქონდროზის დიაგნოზის დასმა ხდება შემდეგი სახით:

პაციენტის გამოკითხვა და ანამნეზის შედგენა. ექიმი ინტერესდება, რას უჩივის პაციენტი, რამდენი ხანია რაც სიმპტომებმა იჩინეს თავი, აქვს თუ არა რაიმე თანმდევი დაავადება, უკავშირდება თუ არა მისი სამუშაო დიდი ხნით ჯდომას და ასე შემდეგ.

ნევროლოგიური შემოწმება. ექიმი ეძებს რაიმე სახის ნევროლოგიურ დარღვევას (ხერხემლის გამრუდება, კიდურებში მგრძნობელობის დაქვეითება, პალპაციისას კისრის და ზურგის კუნთების ტკივილი).

ხერხემლის რენტგენოგრაფია. ამ აპარატურული შემოწმების შედეგად იკვლევენ ხერხემლის მდგომარეობას სხვადასხვა რაკურსით. რა დროსაც ხდება სხვადასხვა დარღვევის გამოვლენა, მაგალითად, ხერხემლის მალების ცვეთა, დაჯდომა, თიაქარი და ოსტეოფიტები, რომელთა წარმოქმნის გამო ხდება მგრძნობელობის დაქვეითება და ტკივილების წარმოქმნა.

მაგნიტურ რეზონანსული კვლევა და კომპიუტერიული ტომოგრაფია. გამოიყენება კისრისა და წელის ოსტეოქონდროზის დაიგნოსტირებისთვის. ამ კვლევების გამოყენებით ხდება ხერხემლის და ქსოვილების ფენების შესწავლა, რაც თუნდაც, მცირედი დარღვევის აღმოჩენის საშუალებას იძლევა.

გარდა ამისა პაციენტს შეიძლება დაენიშნოს კონსულტაცია სხვადახვა პროფილის ექიმთან (ვერტებროლოგთან, ორთოპედ-ტრავმატოლოგთან და ნეიროქირურგთან).

ოსტეოქონდროზის მკურნალობა

დაავადების მკურნალობისას შეიძლება გამოყენებულ იქნეს, მკურნალობის როგორც ტრადიციული, ისე ქირურგიული მეთოდები. ამ მეთოდების მიზანია ტკივილის მოხსნა და პაციენტის ცხოვრების ხარისხის გაუმჯობესება. გარდა ამისა, დაავადების შემდგომი პროგრესის შეჩერება. ქირურგიული მეთოდის გამოყენება ხდება ძალიან იშვიათად, მხოლოდ მაშინ, როცა ტრადიციული მედიკამენტოზური მკურნალობა უშედეგოა.

ოსტეოქონდროზის ტრადიციული მკურნალობის ხანგრძლივობა დაახლოებით ორი თვეა. მკურნალობის დასაწყისში შესაძლებელია ტკივილების მომატება, რაც დაკავშირებულია ორგანიზმში შეყვანილ პრეპარატებზე ორგანიზმის რეაქციასთან, ფიზიოთერაპიასა და სამკურნალო ვარჯიშებთან.

ოსტეოქონდროზის მკურნალობისას კარგი შედეგები გამოიღო აგრეთვე მასაჟმა, რეფლექსოთერაპიამ, გაჭიმვებმა და მანუალურმა თერაპიამ. მკურნალობამ, რომ წარმატებით ჩაიაროს აუცილებელია პაციენტი სრულად მიყვეს ექიმის მითითებებს და არ დაიზაროს სრულად აკეთოს ვარჯიშები და გაიაროს მასაჟისა და ფიზიოთერაპიის მთლიანი კურსი.

ქირურგიული ჩარევა ინიშნება მხოლოდ იმ შემთხვევაში, როდესაც ტრადიციული მკურნალობის მეთოდი არაეფექტურია ან წარმოიქმნება სხვადასხვა სახის თიაქარი მალებს შორის. ქირურგიული ჩარევა ხდება მაშინაც თუ ხერხემლის მალებს შორის დაშორება მცირდება დაშვებულ ნორმაზე 2/3 მეტით და ამავე დროს ხდება ნერვული დაბოლოების მოყოლა მათ შორის.

ასეთ დროს ხდება დაზიანებული დისკის მოცილება. თანამედროვე ტექნოლოგიების წყალობით ეს ოპერაცია ტარდება ნაკლებინვაზიური მეთოდით, ენდოსკოპიური აპარატურის გამოყენებით.

პოსტოპერაციული პერიოდი გრძელდება დაახლოებით ნახევარი წელიწადი. ასეთ დროს მაქსიმალურად კარგი შედეგის მისაღებად პაციენტი გადის სანატორიულ-კურორტულ მკურნალობას, ფიზიოთერაპიის კურსს, აკუპუნქტურულ პროცედურებს, მანუალურ თერაპიას და მასაჟის კურსს.

ხალხური მედიცინა და ოსტეოქონდროზი

ოსტეოქონდროზის მკურნალობისას საიმედო საშუალებად გვევლინება ხალხური მედიცინა. რომელიც თავის მხრივ, გვთავაზობს ბალახეულ ნაკრებებს, ნაყენებს, როგორც გარეგანი ისე შინაგანი გამოყენების. ხალხური მედიცინის ეფექტიანობას ზრდის ნაყენების პარალელურად დაავადებულ ზონაზე ფიზიკური ზემოქმედება, სამკურნალო ვარჯიშების, მასაჟისა და ფიზიოთერაპიის სახით. ბალახეული ნაყენების გამოყენებისას მკურნალობას უდგებიან კომპლექსურად და ხდება ყველა ინსტრუქციის ზუსტი მიყოლა, როგორც ნაყენის დამზადებისას, ისე მისი მიღებისას.

ოსტეოქონდროზის სამკურნალო გარეგანი გამოყენების ხალხური საშუალებები

გთავაზობთ სამკურნალო საშუალებებს ხელმისაწვდომი კომპონენტებისგან:

დაფქვით კულმუხოს ფესვები (2 ს.კ.), დაასხით 200 მლ. მდუღარე წყალი, გააგრილეთ და გადაწურეთ. ნაყენის კომპრესებს აქვს ანთების საწინააღმდეგო მოქმედება (კომპრესი დაიდეთ 3 საათით).

წვრილად დაჭერით მწარე წიწაკა (2 ც.) დაასხით მცენარეული ზეთი და გააჩერეთ ერთი კვირა. მიღებული ზეთი შეიზილეთ დღეში ორჯერ. ნაყენს აქვს გამახურებელი ეფექტი.

დაფქვით დაფნის ფოთოლი და ღვია (1-1 კ.) შეურიეთ კარაქს და შეინახეთ მაცივარში 12 საათით. მალამო უნდა შეიზილოთ 2-ჯერ დღეში. ეფექტურია კისრის ოსტეოქონდროზის მკურნალობისას.

გახეხილი უმი კარტოფილი შეურიეთ თაფლს პროპორციით 1 : 1-ზე. კომპრესი გაიჩერეთ მინიმუმ 2 საათი. ის ამცირებს ტკივილს, ათბობს და აქვს ანთების საწინააღმდეგო მოქმედება. რეკომენდირებულია გულ-მკერდის ოსტეოქონდროზის დროს.

ერთმანეთს შეურიეთ ღორის ქონი (უმარილო) და სვიის გირჩები (1:1). მაზი წაისვით დღეში სამჯერ გულ-მკერდის არეში.

ახალგაზრდა არყის ხის, ახლად მოკრეფილი, ფოთლები დაიდეთ წელზე და მჭიდროდ შემოიხვიეთ ბინტი. ჩამოიბანეთ თბილი წყლით 12 საათის შემდეგ.

ოსტეოქონდროზის სამკურნალო შინაგანი გამოყენების ეფექტიანი ნაყენები

ყველაზე პოპულარულად ითვლება ფიჭვის 1,5 – 2 სმ-იანი წიწვების ნაყენი. მათ აგროვებენ გაზაფხულზე, რეცხავენ და ატარებენ ხორცსაკეპ მანქანაში. ნაყენი მზადდება შემდეგი პროპორციებით 2:1 ზე, 2 ნაწილ ფიჭვის წიწვებს და 1 ნაწილ შაქარს ურევენ ერთმანეთს და ინახავენ შუშის ჭურჭელში, მაცივარში 2 კვირის განმავლობაში. მიღებულ ყავისფერ მასას იღებენ 3 კვირის განმავლობაში 1 ჩ.კ. 3 დღეში. მასის გადაყლაპვამდე გაიჩერეთ ის პირის ღრუში. წამალი დამხმარეა ხერხემლის არეში ნებისმიერი სახის ტკივილის დროს. არსებობს სხვა რეცეპტებიც.

შავი ბოლოკის წვენი და ალოეს წვენი (50-50 მლ.) შევურიოთ არაყს (40 მლ.), დავამატოთ 1 ს/კ. თაფლი. მიღებული ნაყენი უნდა დაილიოს დღეში ერთხელ 1 ჩ.კ.

ლიმონი (3 ც.), ნიორი (4 კბილი) დააბლენდერეთ. დაუმატეთ თაფლი (5 ს/კ.), დაასხით ადუღებული წყალი, გააჩერეთ 1 სთ. დალიეთ ½ ჭიქა დილით.

გახეხილი ნიახური (ღერო) დაამატეთ ადუღებულ წყალში (ჭიქა). დააყენეთ 5 სთ. გაწურეთ და მიიღეთ 1 ჩ.კ. დღეში.

დააქუცმაცეთ ნიორი (200 გ.), დაასხით არაყი (500 მლ.). გააჩერეთ 7 დღე. მიიღეთ 1 კოვზი 3-ჯერ დღეში.

ოსტეოქონდროზის სამკურნალო ბალახების ნახარშები

ოსტეოქონდროზის გამოვლინებებს, რომლებიც განსაკუთრებით გავლენას ახდენენ საყრდენ-მამოძრავებელი სისტემის ფუნქციონირებაზე, ეფექტურად ხსნის ბალახეული ჩაის ნახარშები. ხალხური მედიცინა გვთავაზობს მრავალკომპონენტიან ნაკრებებს, რომელთა შეძენა შეიძლება მწვანე აფთიაქში. ასეთი ნაკრებების ნახარშების გამოყენება ხსნის ტკივილებს და ებრძვის ანთებით პროცესებს. ეფექტიანად ითვლება ნახარშები, რომელთა შემადგენლობაშიც შესულია შემდეგი ბალახები.

ფარსმანდუკი, პიტნა, ძირტკბილას ფესვი, კალენდულა.

გვირილა, არყისა და მარწყვის ფოთლები, კალენდულა, კრაზანა.

ძიძო, კალენდულა, შავბალახა, შვიტა, გვირილა, ნეგო, ბაბუაწვერა.

ლავანდა, ფჭვის წიწვები, წითელი მოცვისა და მარწყვის ფოთლები, კრაზანა, მატიტელა, შავბალახა, სალბი, ბაყაყურა, ცაცხვის ყვავილი.

წითელი მოცხარი, მრავალძარღვა, ბეგქონდარა, ბარამბო, ძიძო, მატიტელა, ასკილი, კრაზანა, მედგარა, მარწყვა-ბალახა.

ყველა ჩაის ნაკრები ადუღების შემდეგ, დააყენეთ, გაწურეთ და დაუმატეთ წყალი რათა დაუბრუნოთ გაწურვამდელი ოდენობა. მიიღეთ ინსტრუქციის შესაბამისად.

არის ხალხური საშუალებები, რომლებსაც აქვთ უნარი, ოსტეოქონდროზის დროს დაუყოვნებლივ მოჰგვარონ შვეჰა დაავადებულს.

ექსპრეს-თერაპია ხსნის ტკივილებს უმოკლეს დროში. ვნახოთ „სწრაფი“ რეცეპტები, რომელთა მომზადებასაც მინიმალური ინგრედიენტები სჭირდება:

წითელი მოცხარისა და არყის ხის გამომშრალი ფოთლები (1-1 ჩ.კ.) დამდუღრეთ, გაწურეთ და მიიღეთ პატარ-პატარა პორციებად დღის განმავლობაში;

კოჭა და ნიორი თანაბარი ოდენობით გახეხეთ და დაუმატეთ კარაქი, მიღებული მასა შეიზილეთ;

სოჭისა და მენთოლის ზეთი შეიზილეთ ხერხემლის მტკივან არეში.

ვისაც არ აქვს რეაქცია სუნზე, ისინი იკეთებენ სუფთა ნავთის კომპრესებს. ამ კომპრესებით ატენიანებენ კანს და იდებენ მტკივან ადგილზე. აფარებენ ბამბას და პოლიეთილენის საფარს და აფიქსირებენ 2-3 საათით.

ნახარშების აბაზანის მისაღებად ოსტეოქონდროზის დროს

მდგომარეობის გაუმჯობესება მალევეა შესამჩნევი აბაზანის მიღების კურსის (5-7 დღე) ჩატარებისას. ქვემოთ მოცემულია შესაბამისი რეცეპტები:

არყის ხის ფოთლები იხარშება და ემატება ოდნავ ცხელ აბაზანას.

ნებისმიერი სახის წიწვებს ხარშავენ 20 წუთი, შემდეგ წურავენ და ხსნიან სავსე აბაზანაში.

თითოეული ნახარშის მოსამზადებლად დაგჭირდებათ 300-500 გრამამდე გამომშრალი ნედლეული.

ოსტეოქონდროზის პროფილაქტიკა

დაავადების პროფილაქტიკის ძირითადი ზომებია:

უმოძრაო ცხოვრების წესზე უარის თქმა - ფიზიკური აქტივობებით დაკავება (სიმძიმეების აწევის გარეშე), ყოველდღიური სეირნობა სუფთა ჰაერზე.

  • სტრესისა და სხვა სახის ფსიქოემოციური დარღვევების თავიდან აცილება.
  • მავნე ჩვევებზე უარის თქმა.
  • სწორი კვება.
  • სამუშაო ადგილი სწორად მოწყობა.
  • იმ დაავადებების დროული მკურნალობა, რომლებმაც შეიძლება გამოიწვიოს ოსტეოქონდროზი.
  • წონის კონტროლი.
  • შრომის უსაფრთხოების წესების დაცვა, რათა თავიდან აიცილოთ ხერხემლის დაზიანება.
  • რეგულარული შემოწმება ინფექციურ დაავადებებზე.
  • ორგანიზმის გაძლიერება და იმუნური სისტემის სტიმულირება.
  • ორგანიზმის გადაციების თავიდან აცილება.
  • კომფორტული ფეხსაცმლის ტარება.

ოსტეოქონდროზის პირველივე სიმპტომების გამოვლენისას ექიმთან მისვლა და კვლევების ჩატარება. ეს დაგეხმარებათ, დაავადების ადრეულ ეტაპზე გამოვლენაში, რა დროსაც მისი მკურნალობა გაცილებით ადვილია.

 
სამუშაო საათები
ორშაბათი -კვირა 10:00 - 19:00
Mail: Mwvanemcenareebi@gmail.com TEL: +995597760989 TEL: +995597989878 TEL: +995595832828 TEL: +995599382038
დაგვიკავშირდით
დაგვირეკეთ სამუშაო საათებში და ჩვენი ოპერატორები დიდი სიამოვნებით უპასუხებენ თქვენთვის საინტერესო კითხვებს.

© საიტზე განთავსებული ინფორმაცია კერძო საკუთრებაა და დაკოპირების შემთხვევაში დაგეკისრებათ პასუხისმგებლობა.