გოჯის შესახებ

1000 დაავადების წამალი, ჯანმრთელობის კაფსულები, უკვდავების კენკრა – ასეთი ეპითეტებით ამკობდნენ საუკუნეების განმავლობაში ჩინეთის ხალხურ მედიცინაში თეთრეკალას ნაყოფს - გოჯის. ეს არის მრავალწლოვანი, ხშირბუჩქოვანი, მცენარე ძაღლყურძენასებრთა ოჯახიდან, რომელსაც ხშირად იყენებენ როგორც ცოცხალ ღობეს ან ბაღის დეკორაციას. მისი წვრილი და გრძელი ტოტებისგან ამზადებენ ჩვეულებრივ ცოცხებს, ხოლო მის მოწითალო-მოვარდისფრო ნაყოფს იყენებენ ორგანიზმის აღდგენისა და მკურნალობისთვის.

მისი მრავალპროფილური სამკურანლო მოქმედება აიხსნება მისი მდიდარი და ძვირფასი შემადგენლობით. ამ ერთი შეხედვით ჩვეულებრივ კენკრაში თავმოყრილია:

• 19 ამინომჟავა;
• 21 მინერალური კომპონენტის კომპლექსი;
• დიდი რაოდენობით B და C ჯგუფის ვიტამინები;
• ანტიოქსიდანტები და პოლისაქარიდები.

დიეტოლოგების განსაკუთრებული ყურადღება მიიპყრო კენკრაში ოთხი პოლისაქარიდის არსებობამ, რომლებიც ერთად არც ერთ სხვა პროდუქტში არ გვხვდება. სწორედ, ამ ბუნებრივ ორგანულ კომპლექსს მიეკუთვნება ოფიციალური მედიცინის მიერ დამტკიცებული აღდგენითი და გამაახალგაზრდავებელი ეფექტები.

სასარგებლო თვისებები

თეთრეკალას დედამიწის ნებისმიერ კუთხეში შეხვდებით. თუმცა მაქსიმალური სამკურნალო ეფექტი მიიღება მხოლოდ მის ისტორიულ სამშობლოში, ჩინეთში, გაზრდილი ბუჩქის ნაყოფისგან. როგორც წესი, გოჯს მოიხმარენ გამომშრალი სახით, რომელიც წააგავს წითელი ფერის ქიშმიშს. გამოშრობის პროცესი განსაკუთრებით მნიშვნელოვანია ამიტომ ის ყოველთვის ბუნებრივი გზით ხდება და დაუშვებელია პროდუქტის გაცხელება.

გოჯის რეგულარული გამოყენება დადებითად მოქმედებს საჭმლის მომნელებელ სისტემაზე:

• აღადგენს და აჩქარებს მეტაბოლიზმს;
• აქტიურდება ფერმენტების წარმოება;
• წესრიგდება ნაღვლის წვენის გამოდევნა;
• სტიმულირდება ლიპიდების მეტაბოლიზმი (ცხიმების წვა);
• იკლებს მადა და ჩნდება დანაყრების შეგრძნება.

გულსისხლძარღვთა და სისხლის მიმოქცევის სისტემაზე:

• წესრიგდება არტერიული წნევა;
• ქოლესტერინისა და შაქრის კონცენტრაცია სისხლში მცირდება;
• ანემიის სიმპტომები ქრება;
• აქტიურდება ტოქსინების გამოდევნის პროცესი.

ნერვულ სისტემაზე:

• ხდება სტრესთან ადვილად გამკლავება;
• ქრება დეპრესიისა და ნერვული აშლილობის სიმპტომები;
• უმჯობესდება ძილის ხარისხი.

ჰორმონალურ ფონზე:

ქალებში: მენოპაუზის დროს ორგანიზმის გადაწყობა უფრო ადვილად მიმდინარეობს, იზრდება სექსუალური ლტოლვა,

კაცებში: ხდება პოტენციის აღდგენა, ძლიერდება სექსუალური ლტოლვა და ძლიერდება შეგრძნებები სექსის დროს.

ამ ველურად მზარდი ბუჩქის ნაყოფს გააჩნია გამაახალგაზრდავებელი ეფექტი და აუმჯობესებს კანის მდგომარეობას. დერმის უჯრედულ სტრუქტურაში ჩქარდება ქსოვილის განახლებაზე პასუხისმგებელი უმარტივესი ცილების სინთეზი. ნაოჭები პატარავდება და სახეს ჯანმრთელი ვარდისფერი ელფერი უბრუნდება. გამხმარ კენკრას ორი წლის განმავლობაში შეუძლია შეინარჩუნოს თავისი სამკურნალო თვისებები. შემდეგ მათი ეფექტურობა მნიშვნელოვნად იკლებს.

გოჯის კენკრას უამრავი ლეგენდა და მითი უკავშირდება, რომელთაგან ბევრი რეალობისგან ძალიან შორსაა. ამავდროულად, ამ კენკრის ეფექტურობა სიმსუქნის წინააღმდეგ ბრძოლაში დადასტურებულია მრავალი სამედიცინო გამოკვლევით. იმისათვის, რომ ერთმანეთისგან გაარჩიოთ რეალური და გამოგონილი ინფორმაცია ყურადღება უნდა გაამახვილოთ ორ მთავარ პუნქტზე:

ცხიმის წვის ეფექტი. კენკრა, რომელიც უცნაური ფერის ქიშმიშს მოგვაგონებს, რეკორდსმენია ანტიოქსიდანტების შემცველობაში. გოჯის რეგულარული გამოყენებით, ეს ნივთიერებები ხდება ლიპიდური უჯრედების დაშლის კატალიზატორი. ამ პროცესის შედეგია დიდი რაოდენობით ენერგიის გამოყოფა, რომლის წყარო, სხვა შემთხვევაში, ნახშირწყლებია. აქედან გამომდინარე, გოჯი არ არის სასწაულმოქმედი საშუალება, რომელიც თავისი ზებუნებრივი ძალების მეშვეობით იწვევს წონის კლებას. მას შეუძლია საგრძნობლად გაზარდოს ფიზიკური დატვირთვის და დაბალანსებული კვების ეფექტურობა, რომელიც მიმართულია ცხიმის დასაწვავად.

დაზღვევა ორგანიზმისთვის. მკაცრი დიეტის დაცვისა და აქტიური ფიზიკური დატვირთვისას, ორგანიზმში შეიძლება წარმოიშვას საკვები ნივთიერებების, ვიტამინებისა და ამინომჟავების დეფიციტი. ამ მარაგების შესავსებად გამოდგება გოჯის ნაყოფი. მაღალი კვებითი ღირებულებისა და შედარებით დაბალი კალორიულობის გამო, მის დღიურ ნორმას (20-30 ცალი) შეუძლია ორგანიზმის გაჯერება საკვები ნივთიერებების ნაკლებობის პირობებში, ცხიმის წვის პროცესის შენელების გარეშე.

კენკრაში შემავალი აქტიური ნივთიერებები ახდენს ჰორმონალური ფონის ნორმალიზებას მამაკაცის ორგანიზმში, რაც შესაძლებელს ხდის აღმოიფხვრას იმპოტენციის ნიშნები, ხანდაზმულებშიც კი.

აღმოსავლეთში, რომანტიკული ვახშმის დროს, რესტორნებში მომზადებულ სხვადასხვა კერძებს გოჯის წვენსა და ჩირს უმატებენ. საკმაოდ მოკლე პერიოდის შემდეგ, მისი კომპონენტები იწყებენ მოქმედებას, აჩქარებენ ტესტოსტერონის სინთეზს და აუმჯობესებენ სისხლის მიმოქცევას. ტყუილად არ გვაფრთხილებს ჩინური ანდაზა, რომ კაცმა, გოჯი სახლიდან ათასობით კილომეტრში არ უნდა ჭამოს.

გამოყენების მეთოდები

გოჯის მიღების უამრავი ხერხი არსებობს.

ცოცხალი ნაყოფის მირთმევა არ არის რეკომენდირებული მოწამვლის (ფაღარათი, გულისრევა) მაღალი რისკის გამო. ამავე დროს, გამომშრალი კენკრა დღეში 20-30 ცალი აბსოლუტურად უსაფრთხო და სასარგებლოა. შესაძლებელია მისი, როგორც ჩაღეჭვა, ისე წყლის დაყოლება. მაგარი ნაყოფი, რომ დარბილდეს აუცილებელია მისი ცოტა ხნით წყალში ჩალბობა.

ნახარში. გოჯის კენკრის ყოველდღიური დოზა შეიძლება მოვადუღოთ ცხელ წყალში (ტემპერატურა არ უნდა აღემატებოდეს 90 გრადუსს). გაგრილების შემდეგ ნახარში შეგვიძლია მივირთვათ ჩირებთან ან თაფლთან ერთად. ძირში დალექილი მოხარშული ნაყოფი აუცილებლად უნდა შევჭამოთ. მომზადების ეს მეთოდი კარგია ხანდაზმულებისა და გასტრიტის მქონე პაციენტებისთვის.

საკვები დანამატი. თეთრეკალას გამომშრალი ნაყოფი არა მარტო სასარგებლოა, არამედ შეუძლია პიკანტურობა შესძინოს ნებისმიერ საჭმელსა თუ სასმელს. მაგალითად:

მარცვლეული საუზმე. ცოტა კენკრა შეგვიძლია დავუმატოთ შვრიის ფაფას ან ნებისმიერ სხვა მარცვლეულის ფაფას.

ხორციანი კერძები და გარნირი. აღმოსავლეთში გოჯის უმატებენ ფლოვს და ცხვრისა და ქათმისგან მომზადებულ კერძებს.

სალათები. დავჭრათ 2 საშუალო ზომის ვაშლი პატარა კუბიკებად. შევურიოთ ნიგოზი (3 ჭიქა) და გოჯის კენკრა (3 ს.კ.). შეგვიძლია დავუმატოთ მზესუმზირა ან თხილეული.

კოქტეილი. ჩაყარეთ ბლენდერში გაწმენდილი კივი (2 ც.), ფორთოხალი (1 ც.), გოჯი (1,5 ს.კ.), პიტნის ფოთლები და დაასხით გრეიპფრუტის წვენი. კარგად აურიეთ და სურვილისამებრ დაამატეთ ყინული.

გოჯის კენკრის პირველად გამოყენებისას ჩვეულებრივი დოზა უნდა შემცირდეს 2-3-ჯერ. მას შემდეგ, რაც დარწმუნდებით, რომ გაქვთ ინდივიდუალური აუტანლობა და ალერგიული რეაქცია შეგიძლიათ, გადახვიდეთ სრულ დოზაზე.

გაფრთხილება

გოჯის სამკურნალო და პროფილაქტიკური მიზნით გამოყენებისას უნდა დაიცვათ დოზირების წესი და დააკვირდეთ ორგანიზმში მიმდინარე ცვლილებებს. დოზის შემცირება ან მიღების შეწყვეტა აუცილებელია, თუ:

სისხლის შედედების დაბალი მაჩვენებლის მქონე ადამიანებისთვის. კენკრა ათხელებს სისხლს, რამაც შეიძლება გამოიწვიოს სისხლდენა.

ორსულობისა და ლაქტაციის დროს. ნაყოფის მოხმარებამ შეიძლება გამოიწვის დედის და ნაყოფის მუცლის შებერილობა.

მაღალი არტერიული წნევის დროს. კენკრას შეუძლია შეასუსტოს ვაზოდილატორების ეფექტი.

საღამოს. ძილის წინ მოხმარებამ შეიძლება გამოიწვიოს ჰიპერრეაქტიულობა და, შედეგად, უძილობა.

თუ მუცლის არეში გაქვთ ტკივილი და სიმძიმე, უნდა შეამციროთ დოზა ან მიიღოთ კენკრა უზმოზე.

ინდივიდუალური აუტანლობისა და ალერგიული რეაქციისას.