სამუშაო საათები 9:00 - 22:00
თბილისი - უფასო მიწოდება
• მთავარი • პროდუქცია ანბანის მიხედვით • ფასდაკლება • შეკვეთა საიტიდან • ქალაქები სადაც ვაწვდით • რეკვიზიტები / კონტაქტი
 

ცხენისწაბლა

ცხენისწაბლა მიეკუთვნება ცხენისწაბლასებრთა ოჯახს. ეს არის 30 მ სიმაღლის ლამაზი ხე. მისი ქერქი მუქი ნაცრისფერია, ხოლო ფოთლები გრძელყუნწიანია თათისებრ დანაკვთული, ერთმანეთის პირისპირ განლაგებული.

ცხნისწაბლას აღწერა

ცხენისწაბლას ყვავილები თეთრი ან ვარდისფერია, სურნელოვანი, სწორმდგომ ყვავილედებადაა შეკრული. მცენარის ნაყოფი 5-8 სმ, მწვანე მრგვალი რბილ-ეკლიანი კოლოფია, რომელიც დამწიფებისას იხსნება. თითეულში ერთი მსხვილი ბურთისებური მბრწყინავი თესლია. ყვავის აპრილ-მაისში, ნაყოფი მწიფდება სექტემბერ-ოქტომბერში. სამკურნალოდ იყენებენ ცხენის წაბლას: თესლს, ქერქს და ყვავილს. ქერქს აგროვებენ ადრეულ გაზაფხულზე. ყვავილებს ყვავილობის დასაწყისში, ფოთლებს იშვიათად იყენებენ, მას აგროვებენ ივნისის ბოლოს ივლისის დასაწყისში.

ქიმიური შემადგენლობა

ცხნისწაბლას ქერქი შეიცავს გლიკოზიდებს ექსკულინს, საპონინებს, მთრიმლავ ნივთიერებებს, ცხიმოვან ზეთებს, ფოთლებში ნაპოვნია კვერციტინი, ეზოკვერციტრინი, კვერცეტინი, რურინი, ასტრიგალინი. თესლი შეიცავს ფლავონოიდებს, საპონინებს, მთრიმლავ ნივთიერებებს, კრახმალს ვიტამინ K, B, C. ყვავილები შეიცავს რუტინს, კვერციტინს, იზოკვერციტრინს.

ფარმაკოლოგიური თავისებურებები

ამაგრებს კაპილარებს, ასტიმულირებს სისხლის შრატის ანტითრომბულ აქტივობას, ზრდის ანტითრომბინის წარმოქმნას, ცხენისწაბლა ამაღლებს ვენური სისხლძარღვების ტონუსს, აქვს სიცხის დამწევი და შემკვრელი მოქმედება. აქვეითებს სისხლის შედედების უნარს, ხელს უწყობს წარმოქმნილი თრომბების გაწოვას, დაბლა წევს სისხლის წნევას, ამცირებს ტკივილს და შეშუპებას.

გამოიყენება შემდეგი დაავადების დროს:

  1. ბუასილი.
  2. ვარიკოზული ვენები.
  3. ტროფიკული წყლულები.
  4. ვენების ანთება.
  5. წვივის წყლულები.
  6. მშობიარობის და ოპერაციის შემდგომი თრომბოზის პროფილაქტიკისთვის.
  7. სახსრების რევმატიზმი.
  8. ნაღვლის ბუშტის დაავადებები.
  9. სისხლდენა საშვილოსნოდან.
  10. ბრონქიტები.
  11. საჭმლის მონელების ქრონიკული აშლილობა.
  12. ძნელადშესახორცებელი ჭრილობები

რეცეპტები

ქვემო კიდურების ვენების ანთება, ბუასილი ცხენისწაბლას ფოთლის და ნაყოფის ნახარში. 5 გრ დაქუცმაცებულ ნედლეულს დაასხით 1 ჩ/ჭ მდუღარე წყალი, ადუღეთ მომინანქრებულ ჭურჭელში წყლის აბაზანაზე 30 წთ განმავლობაში, გაწურეთ და შეავსეთ საწყის მოცულობამდე, მიიღეთ: პირველ ორ დღეს 1 ს/კ 1-ხელ დღეში ჭამის შემდეგ. ვენების ანთებისას მკურნალობის კურსი 2-8 კვირა. ხოლო ბუასილის დროს 1-4 კვირა.

ფაღარათის, ნაწლავების ანთების, საშვილოსნოდან და ბუასილის სისხლდენის დროს ხმარობენ მოხალული ნაყოფიდან დამზადებულ ფხვნილს.

ფეხებზე სისხლძარღვების გაგანიერებისას და ბუასილის კვანძების დროს ცხენისწაბლას ნედლი ყვავილებიდან გამოწურულ 25-30 წთ. წვენს აზავებენ წყალში და სვამენ დღეში 2-ჯერ. ხანგრძლივი მიღების შემდეგ ტკივილი და ბუასილის კვანძები ქრება.

ჰემოროის მკურნალობა, 5 გრ დაქუცმაცებულ ნაყოფს და 5 გრ ქერქს ასხამენ 1 ჩ/ჭ ადუღებულ წყალს, ადუღებენ 30 წთ, გადაწურავენ, შეავსებენ საწყის მოცულობამდე. მიიღება 1 ს/კ 2-3 ჭამის შემდეგ.

ხველების დროს. განსაკუთრებით მწეველთათვის. ერთ მწიკვ ძალიან წვრილად დაჭრილი ფოთლებისა და ქერქის ნაზავს დაასხით 1 ჩ/ჭ ცივი ანადუღარი წყალი. დატოვეთ მთელი ღამე, დილით გადაწურეთ და მიიღეთ 2-3 ს/კ 5-6 ჯერ დღეში კვებათა შორის შუალედებში.

ფაღარათისა და ნაწლავების ანთებითი დაავადების დროს იხმარება ცხენისწაბლა წყლიანი ნაყენი.

გაფრთხილება

დოზის გადაჭარბებამ შეიძლება გამოიწვიოს კრუნჩხვები.

ორსულობისა და ლაქტაციის პერიოდში.

18 წლამდე ასაკის მოზარდებმა გამოყენებამდე მიმართეთ მკურნალ ექიმს.

არ გამოიყენოთ ჰიპოტონიის შემთხვევაში.

არ გამოიყენოთ სისხლის შედედების დაქვევითებული უნარის დროს.

დაბალი წნევის დროს.

თუ მიღების შემდეგ აღინიშნა რაიმე ალერგიული ან უარყოფითი რეაქცია შეწყვიტეთ მისი მიღება.

 
სამუშაო საათები
ორშაბათი -კვირა 9:00 - 22:00
საბანკო რეკვიზიტები
საქ • GE58BG0000000702204300GEL
თბს • GE10TB7321245061100066
საკონტაქტო ინფორმაცია
Mail: [email protected] TEL: +995597760989 TEL: +995597989878
დაგვიკავშირდით
დაგვირეკეთ სამუშაო საათებში და ჩვენი ოპერატორები დიდი სიამოვნებით უპასუხებენ თქვენთვის საინტერესო კითხვებს.

© საიტზე განთავსებული ინფორმაცია კერძო საკუთრებაა და დაკოპირების შემთხვევაში დეგეკისრებათ პასუხისმგებლობა.