სამუშაო საათები 10:00 - 19:00
თბილისი - უფასო მიწოდება
• მთავარი • პროდუქცია ანბანის მიხედვით • ფასდაკლება • შეკვეთა საიტიდან • ქალაქები სადაც ვაწვდით • რეკვიზიტები / კონტაქტი
 

ლავანდა

ლავანდა არის ერთ-ერთი საუკეთესო სამკურნალო მცენარე რომელსაც აქვს გამოყენების ფართო სპექტრი. გთავაზობთ ამ მცენარეს და მასზე დამზადებულ პროდუქციას.

ლავანდას შესახებ

ლავანდა ჯანმრთელობის, სიმშვიდისა და ძლიერი ნერვების ბუნებრივი წყაროა. მცენარის სასარგებლო თვისებების შესახებ ცნობილია ჯერ კიდევ ძველი რომის დროიდან. ლავანდის ფოთლებს და ყვავილებს უმატებდნენ წყალს სხეულისა და ხელების დაბანისას, რათა თავიდან აეცილებინათ ბაქტერიული ინფექციები. გარდა ამისა, მას იყენებდნენ: ჯანმრთელი ძილისთვის, კარგი განწყობისთვის და დამამშვიდებელ საშუალებად.

ამჟამად, ლავანდა აქტიურად გამოიყენება ხალხურ მედიცინაში სხვადასხვა დაავადებების პროფილაქტიკისა და მკურნალობის მიზნით. მცენარე მრავალმხრივ მოქმედებს ორგანიზმზე. მას აქვს დამამშვიდებელი და შარდმდენი ეფექტი, ასევე, კრუნჩხვის საწინააღმდეგო მოქმედება. ბალახი და ყვავილები აქტიურად გამოიყენება კოსმეტოლოგიაში.

გამოყენების სპექტრი

ევროპაში მცენარე ცნობილია, როგორც „ელფების ბალახი“, რადგან მას აქვს მკვეთრად გამოხატული სამკურნალო თვისებები.

ლავანდის სასარგებლო თვისებები ყურადღება უნდა მიაქციონ მათ, ვისაც შემდეგი სახის ჯანმრთელობის პრობლემები აქვთ:

  • თავის ტკივილი, შაკიკი, თავბრუსხვევა;
  • ძილის დარღვევა;
  • ნერვული გაღიზიანება, სტრესი, ძალის დაკარგვა, გადაღლილობა;
  • პარალიზება;
  • აპოპლექტიკური დარტყმა,
  • ინსულტის საშიშროება, სისხლის ჩაქცევა თავის არეში;
  • ღვიძლის, ელენთის დაავადებები;
  • კანის დაავადებები;
  • გულსისხლძარღვთა დაავადებები;
  • ყელის დაავადებები, ხველა, ბრონქიტი;
  • ანთება, ტკივილი და ა.შ.

ლავანდაზე დამზადებულ პროდუქტებს იყენებენ კოსმეტოლოგიაში ქერტლის, თმის ცვენის, კანის პრობლემების დროს, ასევე, სახის კანის გასაწმენდად.

ლავანდა ძილისთვის. მცენარე გამოიყენება ძილის გასაუმჯობესებლად. ეთერზეთების წყალობით შესაძლებელია უფრო სწრაფად ჩაძინება და ნაკლებ დროში გამოძინება. ლავანდის ყვავილების პატარა კონის მოთავსება შეიძლება ბალიშის ქვეშ. გარდა ამისა, შესაძლებელია ძილის წინ ლავანდის ყვავილების აბაზანის მიღება. ლავანდას უმატებენ არომანაკრებებს და სანთლებს, ძილის გასაუმჯობესებლად, დასამშვიდებლად და დაძაბულობის მოსახსნელად.

ლავანდა კოსმეტოლოგიაში. მცენარე აქტიურად გამოიყენება კოსმეტოლოგიაში.

ლავანდა აბაზანისთვის. მას აქვს ანტიოქსიდანტური და მატონიზირებელი თვისებები, ანახლებს უჯრედებს, ხდის კანს გლუვს და ელასტიურს. ლავანდის მწვანე ნაწილი - ფოთლები, ყვავილები - გამოიყენება არომატული აბაზანებისთვის. შედეგად ვიღებთ - არა მხოლოდ ძლიერი ნერვული სისტემას და სიმშვიდეს, არამედ ჯანმრთელ, ლამაზ და ელასტიურ კანსაც.

ლავანდა თმისთვის. მცენარის ფოთლებისა და ყვავილებისგან დამზადებული საშუალება გამოიყენება თმის დასაბანად ქერტლის მოშორების მიზნით, მისთვის ბზინვარების და მოქნილობის მისაცემად, დაზიანებული ღეროების აღსადგენად და ზრდის დასაჩქარებლად. სამკურნალოდ გამოიყენება ლავანდის ნახარში და სავლები ნაყენები.

ლავანდა კანისა და სხეულისთვის. მცენარეს აქვს გამოხატული ანტისეპტიკური თვისებები, ის ხსნის კანის გამაღიზიანებელ პროცესებს, აქრობს შეშუპებას, აქერცვლას და ანთებას. სინეოლს აქვს ანტისეპტიკური თვისებები და აჩქარებს შეხორცებას.

ლავანდა სახისთვის. ნახარშებითა და ნაყენებით წმენდენ სახეს, ამზადებენ ლოსიონებს და კომპრესებს, რათა თავიდან იქნას აცილებული აკნე, გამონაყარი, ანთება და დაჩქარდეს კანის შეხორცება.

ლავანდა ფეხებისთვის. ის არის ბუნებრივი სოკოს საწინააღმდეგო საშუალება. გამოიყენება სოკოვანი დაავადებების პროფილაქტიკისა და მკურნალობისთვის. ამ მიზნით, მიიღება ლავანდის ფეხის აბაზანები.

გამოყენების სხვა მხარეები

ძველად ლავანდას მაგიურ თვისებებს აწერდნენ და ფიქრობდნენ, რომ ის აფრთხობს ბოროტ სულებს. ტრადიციულად დღესაც გამოიყენება დაღერღილი ლავანდის პატარა ჩანთები სახლში სხვადასხვა მიზნით:

ლავანდა თეთრეულისთვის. გამოიყენება, როგორც ბუნებრივი არომატიზატორი სახლისთვის. პატარა ჩანთებს ლავანდის ყვავილებით კიდებენ სათავსოებში თეთრეულისთვის სასიამოვნო სუნის შესანარჩუნებლად.

ლავანდა ჩრჩილის წინააღმდეგ. მცენარის შემადგენლობაში შედის ნივთიერება, რომელიც დამღუპველად მოქმედებს ჩრჩილზე და მის ჭუპრებზე. დაფქული მცენარის პატარა ჩანთებს დებენ სათავსოებში და მსგავს ადგილებში. ის იცავს სახლს ჩრჩილისა და სხვა მსგავსი სახის მწერების გაჩენისგან.

სასარგებლო თვისებები

მცენარის მიწის ზედა ნაწილი ადამიანის ორგანიზმზე შემდეგი სახის მოქმედებით გამოირჩევა:

  • ამშვიდებს, ზრდის სტრესის მიმართ გამძლეობას და აწესრიგებს შინაგან განწყობას;
  • აუმჯობესებს კანის მდგომარეობას, ხელს უწყობს ნაწიბურების შემცირებას და სიმაგრეების გაწოვას;
  • ასტიმულირებს გულ-სისხლძარღვთა სისტემას;
  • აუმჯობესებს სისხლის მიკროცირკულაციას;
  • აქვს რეგენერაციული მოქმედება – აჩქარებს ქსოვილების შეხორცებას;
  • აქვს ანტიმიკრობული, ანტისეპტიკური და ანტივირუსული მოქმედება;
  • ხელს უშლის ჭრილობის დაჩირქოვნებას;
  • აქვს მსუბუქი საფაღარათო, შარდმდენი მოქმედება;
  • გააჩნია ანტიპარაზიტული მოქმედება;
  • ფლობს ამოსახველებელ ეფექტს და ხელს უწყობს ფილტვებიდან ფლეგმის მოცილებას;

მცენარის სასარგებლო მოქმედებები განპირობებულია მისი მდიდარი შემადგენლობით. ლავანდა მდიდარია შემდეგი ნივთიერებებით:

ლინალოლი. ერთ-ერთი მთავარი კომპონენტი, რომელსაც მცენარე დიდი რაოდენობით შეიცავს. ის ახდენს სედატიურ გავლენას ნერვულ და კარდიალურ სისტემაზე.

სინეოლი. ფარმაცევტულ ინდუსტრიაში ეს ნივთიერება იზოლირებული ფორმით გამოიყენება ანტისეპტიკური და ამოსახველებელი წამლების წარმოებისთვის.

გერანიოლი, ბორნეოლი. გამოხატული არომატული ეფექტი.

კუმარინები. ისინი აფერხებენ მწერების გამრავლებას და სწორედ ამიტომ ლავანდა გამოიყენება სხვადასხვა სახის პარაზიტების და ჩრჩილის საწინააღმდეგოდ.

ტანინები. დამღუპველად მოქმედებენ ვირუსებსა და ბაქტერიებზე.

ფისოვანი ნაერთები. მათ ახასიათებთ მსუბუქი საფაღარათო, შარდმდენი მოქმედება და ხელს უშლიან ნაწლავებში ჩირქოვანი პროცესების განვითარებას.

მჟავები. ეხმარებიან გულს ფუნქციონირებაში და ებრძვიან ანთებით პროცესებს ორგანიზმში.

გარდა ამისა, ლავანდა შეიცავს ვიტამინებისა და მინერალების ნაკრებს.

გამოყენების მეთოდები

ლავანდისგან ამზადებენ ნახარშებს და შინაგანი და გარეგანი გამოყენების ნაყენებს. მცენარის ფოთლებსა და ყვავილებს უმატებენ ჩაის. გამომშრალ მცენარეს დებენ პატარა ჩანთებში და იყენებენ არომათერაპიისთვის.

მცენარე გამოიყენება, როგორც დამოუკიდებელი საშუალება, ისევე როგორც უფრო რთული რეცეპტების კომპონენტი:

ნაყენი. მოსამზადებლად საჭიროა 2-3 ჩ.კ. გამომშრალი ნედლეული, რომელსაც უნდა დავასხათ 500 მლ. მდუღარე წყალი და მივცეთ დაყენების საშუალება. მივიღოთ დღეში 4-ჯერ ნახევარი ჭიქა.

სტრესის საწინააღმდეგო და საჭმლის მონელებაში დამხმარე ჩაი. საჭიროა 25-25 გ. ლავანდა, მაიორანი და პიტნა. შევურიოთ ერთმანეთს და შევინახოთ კარგად დახურულ შუშის ქილაში. გამოვიყენოთ როგორც ჩაი. მოვადუღოთ 0,5 ს.კ. ერთ ჭიქა წყალზე.

გამოშვების ფორმა

ლავანდა წარმოდგენილია გამომშრალი ფოთლებისა და ყვავილების ნაზავის სახით, რომელთა შეგროვებაც ხდება ეკოლოგიურად სუფთა რეგიონებში.

გამომშრალ ნაზავებს იყენებენ ნახარშების, ნაყენების და ჩაის დასამზადებლად. გარდა ამისა, ის გამოიყენება როგორც ბუნებრივი არომატიზატორი.

გაფრთხილება

ლავანდის გამოყენება არ არის რეკომენდირებული შემდეგ შემთხვევებში:

არ გამოიყენოთ: ლავანდაზე ალერგიის დროს, ორსულობისა და ლაქტაციია პეროიდში.

დიდი სიფრთხილით გამოიყენება ჰორმონალური დარღვევების და იოდისა და რკინის ნაკლებობის დროს. გამოყენებამდე გაიარეთ კონსულტაცია ექიმთან.

 
სამუშაო საათები
ორშაბათი -კვირა 10:00 - 19:00
Mail: Mwvanemcenareebi@gmail.com TEL: +995597760989 TEL: +995597989878 TEL: +995595832828 TEL: +995599382038
დაგვიკავშირდით
დაგვირეკეთ სამუშაო საათებში და ჩვენი ოპერატორები დიდი სიამოვნებით უპასუხებენ თქვენთვის საინტერესო კითხვებს.

© საიტზე განთავსებული ინფორმაცია კერძო საკუთრებაა და დაკოპირების შემთხვევაში დაგეკისრებათ პასუხისმგებლობა.