ძირტკბილას აღწერა

ძირტკბილა თავისი ეფექტურობით და სამკურნალო ძალით ედრება ჟენშენს, ხოლო, დასუსტებული ორგანიზმის გაძლიერებაში ჯობნის კიდეც სახელგანთქმულ „სიცოცხლის ფესვს“. ეგვიპტელები იმდენად აფასებდნენ ძირტკბილას, რომ ის შედიოდა იმ ნივთების სიაში, რომელიც აუცილებლად უნდა გაეტანებინათ ფარაონისთვის საიქიოში. მას გამუდმებით პოულობენ აქეოლოგები ეგვიპტური აკლდამების გათხრებისას.

მოგვიანებით ცნობილი მხედართმთავრის ალექსანდრე მაკედონელის ჯარს დიდხნიანი ლაშქრობის დროს თან ჰონდა ძირტკბილას მარაგები. ძირტკბილას არა ერთხელ გადაურჩენია მისი ჯარი ახლო აღმოსავლეში, სადაც მტკნარი წყლის დიდი ნაკლებობა იყო. მოგვიანებით ამ ხერხს მიმართავდნენ რომის ლეგიონები, უფრო მოგვიანებით კი თურქეთის და საფრანგეთის ჯარები პირველი მსოფლიო ომის დროს.

დღესდღეობით, ძირტკბილას გამოკვლევას დიდ დროს უთმობენ ფარმაკოლოგიური კომპანიები. რეგულარულად ქვეყნდება ინფორმაცია, ძირტკბილას ახალი სამკურნალო თვისებების აღმოჩენების შესახებ. ტრადიციულად ის გამოიყენება გაციების სამკურნალოდ, როგორც ამოსახველებელი და დამხმარე საშუალება მშრალი ხველისას. თუმცა მისი სამკურნალო თვისებები ამაზე უფრო ფართო სპექტრს მოიცავს და ეხება საჭმლის მომნელებელ სისტემას, ნივთიერებათა ცვლას, საყრდენ-მამოძრავებელ სისტემას და ჰორმონალურ ფონს.

ძირტკბილას გამოყენება და სასარგებლო თვისებები

ძირტკბილა ფართოდ გამოიყენება ხალხურ მედიცინაში, როგორც დამატებითი კომპონენტი სამკურნალო საშუალებებში, აგრეთვე კოსმეტოლოგიასა და კულინარიაში. მკურნალობისას მისი გამოყენების დროს შეიმჩნევა სიმპტომების მკვეთრი მოხსნა მრავალი დაავადების დროს. პროფილაქტიკის მიზნით მიღების დროს კი, ორგანიზმი უფრო ძლიერდება და ებრძვის დაავადების გამომწვევ მიზეზებს.

ხველის მკურნალობა

ძირტკბილას ნახარშები და ნაყენები დამხმარეა როგორც ამოსახველებელი საშუალება, გარდა ამისა შვებას ჰგვრის მშრალი ხველის დროს. ეს ძირტკბილას ორი კომპონენტის ურთიერთთანამშრომლობის დამსახურებაა - საპონინების და გლიცირიზინის მჟავის. ეს კომბინაცია აჩქარებს სასუნთქი გზებიდან ნახველის გამოდენას და აპკივით ეკვრება სასუნთქ ორგანოებს რათა დაიცვას გაღიზიანებისგან.

ზრდასრულებისთვის შესანიშნავია სახლის პირობებში დამზადებული ნაყენი ძირტკბილა თეთრ ღვინოში. ამისათვის 0,5 ლ. მშრალ თეთრ ღვინოში ჩაყარეთ 50გ. ძირტკბილა და დააყენეთ ორი კვირის განმავლობაში. მიღება შეიძლება დღეში ორჯერ 30-30 წვეთი გახსნილი წყალში.

ძირტკბილას ტკბილი გემოს წყალობით შესაძლებელია, ბავშვებისთვისაც მომზადდეს ხველების წამალი, რომელიც არა მარტო სასარგებლო არამედ გემრიელიც იქნება. ამისათვის ერთმანეთს ერევა 5გ. ფესვი და 80 მლ. შაქრის სიროფი. მზა სიროფის შენახვა შეიძლება დახურული ჭურჭლით მაცივარში. მისი გამოყენება კი, გაციების პირველივე ნიშნებისას.

ლიმფის გაწმენდა

ორგანიზმში წყლის ნაკლებობა იწვევს ლიმფური სითხის მოძრაობის შეჩერებას და ტოქსინებით მის დაბინძურებას. ამას ხელს უწყობს ორგანიზმისთვის აუცილებელი სუფთა წყლის ნაცვლად ყავის, ჩაის, წვენების და სხვა სასმელების მიღება. ძირტკბილას ფესვს აქვს უნარი, ორგანიზმში შეაკავოს წყალი, რითაც აბალანსებს წლის უკმარისობას და წმენდს ლიმფურ სითხეს. ეს კი ორგანიზმს თავიდან არიდებს პრობლემებს სახსრებში, გამონაყარს კანზე და იმუნური სისტემის ჰიპერმგრძნობელობას ალერგენებზე.

იდეალური სხეული

ძირტკბილას ფესვი აქტიურად გამოიყენება ცხიმისმწველ პროგრამებში. მის შემადგენლობაში არსებული გლიცირიზინის მჟავა ორგანიზმს ეხმარება, შეკრას თავისუფალი ქოლესტერინი, რაც თავის მხრივ, ხელს უშლის ათეროსკლეროზული ფოლაქების და ცხიმოვანი გროვების დაგროვებას. ამავდროულად ეშვება ლიპოლიზის პროცესი, რაც ორგანიზმს აძლევს საშუალებას ენერგიის წყაროდ დაგროვილი ცხიმი გამოიყენოს.

„ნაგვის“ მოშორება

ძირტკბილა ითვლება ერთ-ერთ საუკეთესო მცენარეულ სორბენტად, რომელსაც აქვს უნარი შეიწოვოს და ორგანიზმიდან გამოიტანოს ტოქსინები. ის დამხმარეა, ნაწლავების შლაკებისგან გაწმენდის დრო და ამავდროულად, ზრდის ნაწლავების უნარს შეითვისოს სასარგებლო ნივთიერებები საკვებიდან. ძირტკბილა აწესრიგებს საჭმლის მონელების პროცესს და ხელს უშლის კუჭ-ნაწლავის პრობლემების წარმოქმნას.

კაცური ძალა

ძირტკბილას პირდაპირი ზემოქმედების უნარს ლიბიდოსა და პოტენციაზე ახლა აქტიურად შეისწავლიან. თუმცა, მისი ირიბი ზემოქმედება კაცურ ძალაზე უკვე დადასტურებული ფაქტია. ეს განპირობებულია რამდენიმე ფაქტორით. ძირტკბილას ფესვი ხსნის სტრესს, ათავისუფლებს ნერვული დაძაბულობისგან და დეპრესიის სიმპტომებისგან. ის აშთობს ანთებით პროცესებს შარდ-სასქესო სისტემაში, შარდმდენ სისტემაში და სწორნაწლავში. აჩქარებს ნივთიერებათა ცვლას და ათავისუფლებს ორგანიზმს ზედმეტი ცხიმისა და შაქრისგან სისხლში. ყოველივე ეს დადებითად მოქმედებს მამაკაცის პოტენციაზე.

ძირტკბილა და სილამაზე

ძირტკბილას ფესვს ხშირად იყენებენ ერთ-ერთ ინგრედიენტად პრობლემური კანის მოსავლელ, ყოველდღიური მოხმარების, მალამოებსა და კრემებში. მისი კომპონენტები სწრაფად აშორებენ პათოგენურ მიკროელემეტებს ეპიდერმისის ზედაპირიდან, ხელს უწყობენ ჭრილობის შეხორცებას, წმენდენ კანის ზედაპირს ალერგიული გამონაყარისგან, ეგზემისგან და დერმატიტისგან. ძირტკბილას უნარი დაასტიმულიროს კოლაგენის სინთეზი, გამოიყენება ასაკობრივი კოსმეტიკური საშუალებების დამზადებისას.

კანის ერთი ფერი

ძირტკბილას გამოყენებით ფარავენ პიგმენტურ ლაქებს და ათეთრებენ კანს. ეს ეფექტი შეინიშნება ასაკობრივი ლაქების, აკნეს, ალერგიული გამონაყარის და მზის დამწვრობის მოშორებისას. კოსმეტოლოგიური საშუალებები, რომლებშიც შედის ძირტკბილა, ათანაბრებენ სახის ფერს და ხდიან მას ერთგვაროვანს, ჯანმრთელს და მიმზიდველს.

ძირტკბილას ფესვი ეხმარება ორგანიზმს იმუნური სისტემის გაძლიერებაში და სასარგებლოა ნებისმიერ ასაკში. ბავშვებისთვის მისი მიცემა შეიძლება უკვე ორი წლიდან, თუმცა აუცილებელია მიჰყვეთ ექიმის მიერ დანიშნულ დოზირებას. აქვე უნდა აღინიშნოს, რომ მისი გამოყენება ორსულობის დროს არ არის რეკომენდირებული. ამის ძირითადი მიზეზია მისი უნარი შეაკავოს წყალი ორგანიზმში. ამან შეიძლება გამოიწვიოს დასიება და წყალ-მარილოვანი ბალანსის დარღვევა.

შემადგენლობა

ძირტკბილას გააჩნია მდიდარი შემადგენლობა:

გლიცირიზინის მჟავა. ეს სპეციფიკური ნაერთი არეგულირებს თირკმელზედა ჯირკვლების ფუნქციას. მჟავას გააჩნია ანტივირუსული, ანტიალერგიული და ანთების საწინააღმდეგო მოქმედება. ის აძლევს ფესვს გამოხატულ ტკბილ გემოს. მჟავა შედის რეაქციაში ქოლესტერინთან და ქმნის ურღვევ კავშირს.

საპონინები. საპონინებისა და გლიცირიზინის თანამშრომლობის წყალობით ტკბილძირა ასტიმულირებს ამოხველებას და ბრონქებიდან ნახველის გამოდენის პროცესს. ეს გლიკოზიდები აჩერებენ მშრალი ხველის შეტევას და აუმჯობესენბენ სასუნთქი გზების მდგომარეობას მწეველებში და იმ პაციენტებში, რომელთაც აქვთ ასთმა, ბრონქიტი და ტუბერკულოზი. საპონინებს აქვთ უნარი აპკივით გადაეკრან შინაგან ორგანოებს და დაიცვან ისინი დაზიანებისგან.

გლიკოზიდი. ეს არის ორგანიზმში ინსულინის გამომუშავების ბუნებრივი რეგულატორი. ის ამცირებს სისხლში შაქრის დონეს და ასტიმულირებს კუჭქვეშა ჯირკვლის სეკრეციას. გლიკოზიდს იყენებენ ბუნებრივ შაქრისშემცვლელად დიაბეტის მქონე პაციენტებში.

ფლავანოიდები. ამ ჩამონათვალში არის ნაერთები, რომელთა გამომუშავებაც არ ხდება ორგანიზმში, ამიტომ ისინი ორგანიზმისთვის შეუცვლელია. ფლავანოიდები მონაწილეობენ ორგანიზმის ანტიოქსიდანტურ წმენდაში და ანეიტრალებენ გისტამინების მოქმედებას, რომლებიც წარმოიქმნება ანთების შედეგად დაზიანებულ ქსოვილებში.

გამოყენების წესები

ძირტკბილას ფესვი გამოიყენება ერთკომპონენტიანი სამკურნალო საშუალების დამზადებისას, ამავე დროს, ის შეიძლება შედიოდეს კომპლექსური ფიტოპრეპარატების შემადგენლობაშიც. მათი დამზადება შესაძლებელია სახლის პირობებშიც:

ნახარში. ჭიქა ადუღებულ წყალში ემატება 1 ს.კ. ნედლეული და ყენდება 1 საათის განმავლობაში. გაციებისა და გაწურვის შემდეგ მიიღება დღეში სამჯერ ჭამამდე 1 სუფრის კოვზი. ნახარშის რეგულარული მიღება დამხმარეა გაციების და საჭმლის მომნელებელი სისტემის პრობლემების სწრაფად მოგვარებაში.

ფიტოჩაი. შეურიეთ 2 ჩ.კ. ძირტკბილას ფესვი, 1 ჩ.კ. გვირილა და 1 ჩ.კ. ბარამბო. დაასხით ნაზავს ერთი ჭიქა ადუღებული წყალი და გააჩერეთ 15 წუთი. მიიღეთ მთლიანი ჭიქა ჩაი ჭამის შემდეგ. ის აშორებს ტკივილის და დისკომფორტის შეგრძნებას კუჭში, რომელიც გამოწვეულია გულძმარვით, კოლიკით ან დისპეფსიით.

გამწმენდი საშუალება. საგულდაგულოდ გადაურიეთ დაფქული 20გ. ძირტკბილა და 5გ. კამის თესლი. ჭიქა ადუღებულ წყალზე დაუმატეთ 1 ს.კ. ეს ნაზავი. შეახვიეთ ჭურჭელი და დატოვეთ სრულ გაციებამდე. ნახევარი ჭიქა ნაყენის მიღება სასურველია ჭამის შემდეგ ერთ საათში. ის მარტივად და სწრაფად აშორებს ნაწლავების პრობლემებს, შეკრულობას და შებერილობას.

გაფრთხილება

ძირტკბილას მიღებისგან თავი უნდა შეიკავონ:

ორსულობისა და ლაქტაციის პერიოდში.

18 წლამდე ასაკის მოზარდებმა გამოყენებამდე მიმართეთ მკურნალ ექიმს.

ღვიძლის მწვავე ფორმის დაავადებების დროს (ჰეპატიტი, ცეროზი),

პაციენტებმა ქრონიკული ჰიპერტენზიით.

დასიებისკენ მიდრეკილების დროს.

ადამიანებმა, რომლებიც იღებენ შარდმდენ და გულის უკმარისობის პრეპარატებს.