კამა არის 2 წლიანი მცენარე. მიეკუთვნება ქოლგისებრთა ოჯახს. კამის სიმაღლე აღწევს 1.2 მეტრს. მცენარე ზედა ნაწილში დატოტვილია, ტოტები მორიგეობით არის განაწილებული ღეროზე. კამის ფოთლები თმისებრი სეგმენტებად არის დაყოფილი. ყვავის ივნისი – აგვისტო, ყვავილები წვრილია და ყვითელი. ნაყოფი სიმწიფეს აღწევს ივლის – აგვისტოში. აქვს მძაფრი სპეციფიკური სუნი და მოტკბო გემო.
ვიტამინები: C, B, B2.
მაკრო ელემენტები: კალციუმი, კალიუმი, მაგნიუმი, რკინა, სპილენძი, ცინკი, ქრომი, ალუმინი.
ასევე შეიცავს: ნიკოტინმჟავას, ფოლის მჟავას. აგრეთვე ფლავონოიდებს, ეთერზეთებს და მინერალურ მარილებს.
საჭმლის მომნელებელი ტრაქტი. ძირითადად კამის თესლს იყენებენ საჭმლის მომნელებელი ტრაქტის დაავადებების დროს, რომელთა დროსაც აღინიშნება სპაზმები, მეტეორიზმი, ტკივილი ნაწლავებში (კოლიტი, ნაწლავის კოლიკა). განსაკუთრებით ეფექტურია ბავშვებისთვის.
კამის თესლს ასევე აქვს ანტიმიკრობული და დეზინფექციური მოქმედება. გამოიყენება ამოსახველებელ საშუალებად. ხალხურ მედიცინაში კამის თესლის ნაყენით იბანენ თვალებს თვალის კონუქტივიტის დროს. ასევე კარგია კანის ჩირქოვანი დაავადებების დროს ნაყენის გარეგანი გამოყენება.
ცხელი ნაყენის დამზადება.
2 ჩაის კოვზ დაქუცმაცებულ კამის თესლს დაასხით 100 მლ ადუღებული წყალი, გააჩერეთ 10 – 15 წუთი და დალიეთ დღეში სამჯერ ჭამამდე 30 წუთით ადრე.
პროდუქტის ინდივიდუალური აუტანლობა.
თავბრუსხვევის ან გულისრევის შეგრძნების შემთხვევაში შეწყვიტეთ მისი მიღება.
დოზის გადაჭარბების შემთხვევაში შეიძლება აღინიშნოს ალერგიული გამოვლინება და საჭმლის მომნელებელი სისტემის მოშლა.