სამეფო: მცენარეები.
კლასი: ფარულთესლონები.
განყოფილება: ორლებნიანნი.
ოჯახი: პარკოსნები.
სახეობა: უცხო სუნელი.
უცხო სუნელი პარკოსანთა ოჯახის ერთწლოვანი ბალახოვანი მცენარეა. იზრდება ნახევარი მეტრის სიგრძის. აქვს სამ ფოთოლაკიანი ფოთოლი. მისი ყვავილი ყვითელი ფერისაა, იზდება 12-18 მმ სიგრძის. უცხო სუნელს აქვს მოყავისფრო ფერის 3-4 სმ სიგრძის თესლები, რომლებიც წვრილ, გრძელ პარკშია გახვეული - (თითო პარკში დაახლოებით 10-20 თესლი). უცხო სუნელის თესლი ინდური სამზარეულოს ერთ-ერთი ძირითადი ინგრედიენტია.
100 გრამი უცხო სუნელის თესლი შეიცავს 323 კკალ
ვიტამინები: A, D, C, B3, B6, B9, B12.
მიკრო ელემენტები: Zn, Fe, Mn, Se, Cu.
მაკრო ელემენტები: Mg, P, Ca.
უცხო სუნელის თესლი ასევე შეიცავს: საპოგენინებს - იამოგენინს, გიტოგენინს, ტიგოგენინს, ნეოტიგოგენს და დიოზგენინს; ალკალოიდებს - ტრიგონელინს, ქოლინს, გენტიანინს, კარპეინს და ა.შ.
ტესტოსტერონი. უცხო სუნელის თესლი შეიცავს საპონინებს, რომლებიც ასტიმულირებენ სასქესო ჰორმონების სეკრეციას და ნორმაში აყენებენ ორგანიზმში ტესტოსტერონის შემცველობას.
ინსულინის სეკრეცია. უცხო სუნელის თესლი ზრდის სისხლში ინსულინის რეცეპტორების რაოდენობას და აუმჯობესებს გლუკოზის უტილიზაციას პერიფერიულ ქსოვილებში. იგი შეიცავს ამინო მჟავა 4-ჰიდროქსისოლეუცინს, რომეიც ასტიმულირებს ინსულინის სეკრეციას.
მენოპაუზა (კლიმაქსი). უცხო სუნელის თესლი შეიცავს დიოზგენინს და ესტროგენულ იზოფლავონებს, რომელთაც აქვთ ესტროგენის მსგავსი მოქმედება. ესტროგენის დაბალი რაოდენობა იწვევს მენოპაუზის (კლიმაქსი) სიმპტომებს, როგორიცაა: ხასიათის სწრაფი ცვალებადობა, დეპრესია, კრუნჩხვები და პათოლოგიური შიმშილი. უცხო სუნელის თესლი კი ამცირებს მენოპაუზის სიმპტომებს.
ქოლესტერინი. უცხო სუნელის თესლი შეიცავს ორგანიზმისთვის სასარგებლო ბოჭკოებს, რომლებიც ამცირებენ ქოლესტერინის რაოდენობას არტერიებსა და სისხლძარღვებში. ქოლესტერინის რაოდენობის შემცირებით კი ორგანიზმი თავიდან იცილებს მთელ რიგ დაავადებებს, როგორიცაა: ათეროსკლეროზი, გულის შეტევა, პარალიზი, გულის იშემიური დაავადებები, თრომბი სისხლში და ა.შ.
ცხელი ნაყენის დამზადება. 1 ჩაის კოვზ მარცვლებს დაასხით 250 მლ ადუღებული წყალი და გააჩერეთ მთელი ღამე. მიღებული ნაყენი დალიეთ დილით უზმოზე ჭამამდე 30 წუთით ადრე.
ფხვნილის სახით. 500 ან 1000 მილიგრამი უცხო ცუნელის თესლის ფხვნილი მიიღეთ საჭმელთან ერთად, უმჯობესია სადილობისას. მიღების ხანგრძლივობა 2 თვე შემდეგ დაისვენეთ. საჭიროების შემთხვევაში გაიმეორეთ კურსი.
პროდუქტის ინდივიდუალური აუტანლობა.
არ გამოიყენოთ ორსულობისა და ლაქტაციის პერიოდში.
დოზის გადაჭარბების შემთხვევაში შეიძლება გამოიწვიოს ღებინება.