ამარანტის სამშობლოდ ითვლება სამხრეთ ამერიკა. ამარანტი არის ერთწლიანი მცენარე. მცენარეს აქვს წვრილი ყვავილები რომლებიც ერთ მასიურ მოგრძო ყვავილედს ქმნიან როგორც ნაჩვენებია სურათზე. ზუსტად ამიტომ ჯიჯლაყას აქვს ძალიან ბევრი თესლი რომელიც ძალიან სასარგებლოა ორგანიზმისთვის. ძველმა აცტეკებმა მას მარად მოყვავილე შეარქვეს, რადგან ის მთელი წლის განმავლობაში ყვავის. მისი ინტესიური ყვავილობის შედეგად ის დიდი რაოდენობით ეძლევა ნაყოფს.
შემდგომ დროთა განმავლობაში ამ მცენარით დაინტერესდნენ ჩინეთში და ინდოეთში. დღეს მეცნიერები აცხადებენ, რომ ამ მცენარეს შეუძლია დააპუროს და თან განკურნოს ბევრი ადამიანი.
100 გრამი ამარანტის თესლი შეიცავს 371 კკალ
საკვები ნივთიერებები 100 გრამში
13.6 გრ ცილა, 7 გრ მცენარეული ცხიმი, 65.3 ნახშირწყლები, 6.7 გრ უჯრედისი. 11.29 წყალი.
ვიტამინები: B1, B2, B5, B6, B9, C, E, PP, K.
მიკრო ელემენტები: რკინა, თუთია, სელენი, სპილენძი.
მაკრო ელემენტები: კალციუმი, მაგნიუმი, ფოსფორი.
ლიზინი.
პირველ რიგში უნდა ითქვას, რომ მარცვალი მდიდარია მაღალი ხარისხის ცილით რომელიც მდიდარია ლიზინით (ორგანიზმისთვის ყველაზე საჭირო და ძვირფასი ამნომჟავა). იაპონიაში ამ ნივთიერების გამო ჯიჯლაყას ჭამას ადარებენ კალმარის ხორცის ჭამას.
სკვალენი.
არცისე დიდი ხნის წინ მეცნიერებმა აღმოაჩინეს, რომ ამარანტის თესლი არის სკვალენის წყარო. სკვალენს ვერც ერთი სხვა ნივთიერება ვერ უდებს ტოლს სისმსივნესთან ბრძოლაში. გარდა ამისა ეს ნივთიერება არის კანის შემადგენლობაში შემავალი ბუნებრივი კომპონენტი, ამიტომ მისი როლი დერმატოლოგიაში და კოსმეტოლოგიაში შეუფასებელია. ის აქტიურად ებრძვის კანის ანთებით და ჩირქოვან პროცესებს, ასევე სწრაფად ახორცებს ჭრილობებს.
ტოკოფეროლი.
ორგანიზმში აწესრიგებს ლიპიდურ ცვლას, რის შედეგადაც სისხლში რეგულირდება ქოლესტერინის რაოდენობა. ასევე ეს ნივთიერება ებრძვის თავისუფალ რადიკალებს რაც ორგანიზმს ეხმარება გაუმკლავდეს ნაადრევ სიბერეს და საერთოდ შეაჩეროს დაბერების პროცესი.
უჯრედისი.
ამარანტი შეიცავს დიდი რაოდენობით უჯრედისს რომელსაც ვერ ინელებს კუჭი, სწორედ უჯრედისი ეხმარება მათ ვისაც აქვს ყაზბობა (გაუვალობა), აქვს ჭარბი წონა, აქვს ფერმკთალი სახის ფერი. ასეთი პრობლემების დროს ამარანტის ყოველდღიური მიღება საკვებთან ერთად დაგეხმარებათ ამ პრობლემების მოგვარებაში.
ამარანტის თესლი შეგიძლიათ გამოიყენოთ როგორც საკვებად ასევე სამკურნალოდ. მაგალითად შესაძლებელია მისი დაფქვა და მისი ფქვილისაგან პურისა და ფუნთუშების გამოცხობა. რაც საკმაოდ არომატული ფუმფულა და გემრიელი გამოდის. შესაძლებელია მისი დამატება პურში დაუფქვავი სახითაც მცირე რაოდენობით.
ჯიჯლაყას შეუძლია შეცვალოს თქვენს სუფრაზე ბრინჯი, წიწიბულა, მაკარონი და მსგავსი პროდუქტები. ის შესანიშნავად გამოგადგებათ გარნირის სახით რომელიმე კერძთან.
ამარანტის მარცვლების უმად ჭამა არ შეიძლება, რადგან ის უბრალოდ არ გადამუშავდება. ამიტომ ის უნდა მოიხარშოს და ისე მიიღოთ. სრული სარგებლობის მისაღებად ის კარგად უნდა დაღეჭოთ და ისე ჩაყლაპოთ.
რაც შეეხება მის დოზირებას. 1 სუფრის კოვზი სავსებით საკმარისია დღის განმავლობაში, თან თუ გავითვალისწინებთ, რომ მარცვლები ხარშვის დროს მოცულობაში მატულობს.
კურსის ხანგრძლივობა:
კურსის ხანგრძლივობა დამოკიდებულია იმაზე თუ რომელი დიეტოლოგის ან ექიმის რეცეპტით აპირებთ მის გამოყენებას საკვებად.
რადგან არ არსებობს მონაცემები ორსულებისა და მეძუძური დედებისთვის უმჯობესი იქნება თავი შეიკავოთ მისი მიღებისაგან.
თუ თქვენ თეთრი ჩვეულებრივი კომბოსტოს ჭამის შემდეგ გიგროვდებათ გაზები, შესაძლებელია, რომ ამარანტის თესლის გამოყენების შედეგადაც დაგიგროვდეთ გაზები.
პროდუქტის ინდივიდუალური აუტანლობა, რაც შეიძლება გამოვლინდეს დიარეაში ან კანზე გამონაყარით.
არ მიიღოთ ზედმეტი დოზა.
არ მიიღოთ დისბაქტერიოზის დროს.
